Vakin er athygli á nýrri vefsíðu Sjúkratrygginga Íslands www.sjukra.is sem sett var í loftið þann 16. febrúar sl. Vefurinn tekur við hlutverki vefs TR (tr.is) sem upplýsingaveita um sjúkratryggingar til almennings/heilbrigðisstofnana/fyrirtækja. Fyrir hönd Sjúkratrygginga Íslands vil hvetja þig til að nýta þér vefinn og endilega miðla honum áfram til kollega og/eða sjúklinga
Í grunninn er vefurinn umfangsmikil upplýsingaveita um sjúkratryggingar og var haft að leiðarljósi í uppbyggingu hans að hafa upplýsingar um réttindi almennings eins einfaldar og greinargóðar og mögulegt er. Vefsvæðið inniheldur einnig skref til aukinnar rafrænnar þjónustu en markmiðið er að rafræn gagnasamskipti og upplýsingagjöf við viðskiptavini stofnunarinnar (almenning og heilbrigðisstarfsfólk) aukist til muna næstu 2-3 árin.
