Logo hsa

Heilsuvera.is

veraHeilsuvera.is er öruggt vefsvæði þar sem notandi getur átt í samskiptum við heilbrigðisþjónustuna og nálgast eigin sjúkragögn. Vefsvæðið er hægt að nota í heimilistölvum, spjaldtölvum og snjallsímum. Heilsugæslustöðvar HSA nota nú Heilsuveru.

Allir einstaklingar hafa aðgang að lyfseðlalista, lyfjaúttektum, bólusetningaupplýsingum og upplýsingum um skráðan heimilislækni eða heilsugæslu. Foreldrar/forráðamenn hafa aðgang sjúkraskrárgögnum barna sinna að 15 ára aldri.

Þeir sem eru á heilsugæslustöðvum sem eru byrjaðar að nota Veru geta að auki endurnýjað ákveðin lyf* og opnað verður fyrir tímapantanir rafrænt.
*Ekki verður þó unnt að óska eftir endurnýjun sterkra verkjalyfja, róandi lyfja, eftirritunarskyldra lyfja eða svefnlyfja með þessum hætti. Þessi lyf er eingöngu hægt að fá endurnýjuð með símtali/viðtali við lækni.

Innskráning

Til að auka öryggi við innskráningu er krafist rafrænna skilríkja.
Viðkomandi þarf að vera með SIM-kort (símakort) sem styður rafræn skilríki. Hægt er að kanna hvort símakortið þitt styður rafræn skilríki.
Styðji símakortið ekki rafræn skilríki getur fólk orðið sér úti um slík hjá sínu símafyrirtæki og þau veita nánari leiðbeiningar. Virkja þarf skilríkin í viðskiptabanka viðkomandi. 
Hafi fólk ekki möguleika á rafrænum skilríkjum í símann, eða vill það ekki, er hægt að sækja um einkaskilríki frá Auðkenni. 
Einnig er hægt að skoða leiðbeiningamyndbönd um rafræn skilríki.

Til að byrja með er eftirfarandi virkni í boði í Heilsuveru:

Lyfseðlar

Aðgengilegt yfirlit yfir lyfseðla sem eru í lyfseðlaskrá Landlæknis. Einfalt viðmót til að óska eftir endurnýjun á ákveðnum lyfjum gegnum vefinn án þess að þurfa hringja inn eða koma á heilsugæslu.

Bólusetningaskrá

Yfirlit yfir bólusetningar sem þú hefur fengið samkvæmt bólusetningarskrá Sóttvarnalæknis. 

Tímabókanir

Þægilegt viðmót til að bóka viðtalstíma læknis á þinni heilsugæslustöð. Nauðsynlegt er að vera skráður á stöðina til að geta bókað (HSA er með þennan þátt til skoðunar enn sem komið er).

Hér getur þú opnað Heilsuveru

www.heilsuvera.is

Heilbrigðisstofnun Austurlands - kt. 610199-2839 - info@hsa.is
Símanúmer: Umdæmissjúkrahús 4701450  -  heilsugæslustöðvar  -  fjármál/bókhald 4701400  -  skrifstofa forstjóra 4703050